ABŞ-ın Los-Anceles şəhərindəki "Staples Center"də dünya musiqisi sahəsində ən nüfuzlu mükafat sayılan "Grammy"nin təqdimat mərasimi keçirilib.
Milli.Az bildirir ki, "59th annual Grammy Awards"ın triumfatoru britaniyalı Adel olub. Adelin "25" diski "İlin albomu" nominasiyasında qalib gəlib. Amerikalı Beyonse "Lemonade" albomu ilə Adelə rəqib idi.
Mükafatı alanda Adel hələ indiyədək "İlin ən yaxşı albomu" nominasiyasında bir dəfə də qalib gəlməmiş Beyonseyə minnətdarlıq edib.
Adelin "Hello" mahnısı "İlin mahnısı" nominasiyasının qalibi olub.
Adel "Hello"ya görə "İlin kompoziyiası", "25" albomuna görə "İlin ən yaşı pop-albomu" və "Ən yaxşı solo pop-ifası" nominasiyalarında da qalib gəlib.
Amerikalı hip-hop ifaçısı Chance the Rapper "Ən yaxşı debütant ifaçı", kanadalı Dreyk "Hotline Bling" mahnısı ilə "Ən yaxşı rep-mahnı" və "Ən yaxşı birgə rep-ifa" nominasiyalarındaqalib sayılıb.
35 yaşlı Beyonsenin "Lemonade" albomu "Urban stilində ən yaxşı albom" mükafatı alıb. 69 yaşında xərçəngdən vəfat etmiş Devid Bouinin "Blackstar" albomu "Ən yaxşı rok-ifa", "Ən yaxşı alternativ albom" və "Ən yaxşı səs rejissoru işi" nominasiyalarında qalib sayılıb. "Blackstar" albomunun üz qabığı və bukletinin müəlllifi Conatan Barnbruk "Ən yaxşı albom tərtibatı" nominasiyasında triumfator olub. "Ən yaxşı klassik albom" nominasiyasında qaliblər alman soprano Doroteya Reşman və britaniyalı Yen Bostric alıblar.
Digər nominasiyaların qalibləri belədir:
"Ritm-n-blyuz stilində ən yaxşı albom" - "Lalah Hathaway Live" (Lala Heteuey)
"Ritm-n-blyuz stilində ən yaxşı ifa" - "Cranes in the Sky" (Solanj Nouls)
"Duet və ya qrupla ən yaxşı pop-ifa" - "Stressed Out" ("Twenty One Pilots")
"Ən yaxşı klassik albom" - alman soprano Doroteya Reşmann və britaniyalı Yen Bostric
"Ən yaxşı orkestr ifası" - latviyalı Andris Nelsons
"Ən yaxşı musiqi filmi" - "The Beatles: Eight Days a Week - The Touring Years"
Milli.Az 
