Bakı. 13 fevral. REPORT.AZ/ Mingəçevir şəhərində bıçaqlanma baş verib.
"Report"un məlumatına görə, hadisə fevralın 11-də şəhər ərazisindı qeydə alınıb.
Belə ki, şəhər sakini Elmin Allahyarov naməlum şəxs tərəfindən bıçaqlanıb. Yaralı kəsilmiş-deşilmiş xəsarətlərlə Mingəçevir Şəhər Mərkəzi Xəstəxanasına (ŞMX) yerləşdirilib.
Mingəçevir Şəhər Polis Şöbəsinin (ŞPŞ) əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən həmyerlisi, əvvəllər məhkum olunmuş Zaur Mustafayev tutulub.
Faktla bağlı araşdırmalara başlanılıb.