Bakı. 13 fevral. REPORT.AZ/ Bakıda yaşayış binaları və evlərdən su sayğaclarını oğurlayan şəxslər saxlanılıb.
"Report" Daxili İşlər Nazirliyinin rəsmi saytına istinadən xəbər verir ki, oğurluq etdiklərinə görə fevralın 9-da tutulan Mahir Bayturayevin və Fuad Mustafayevin ətrafında Bakı Şəhər Baş Polis İdarəsinin Cinayət Axtarışı İdarəsi, Nizami Rayon Polis İdarəsinin (RPİ) 24-cü Polis Bölməsi (PB) , Xətai RPİ 34-cü PB və Sabunçu RPİ əməkdaşları tərəfindən aparılan əməliyyat tədbirləri ilə onların cari ilin ötən dövründə Nizami, Xətai və Sabunçu rayonları ərazilərindəki 6 yaşayış binasının girişlərindən və 4 evin həyətindən ümumilikdə 28 ədəd su sayğacını oğurlamaları da müəyyən edilib.
Araşdırmalar davam etdirilir.
