Fevralın 13-də gecə saatlarında Rusiyanın Samara şəhərində 2018-ci il dünya çempionatı üçün inşa olunan stadion yaxınlığında yanğın hadisəsi qeydə alınıb.
Milli.Az report-a istinadən xəbər verir ki, yanğının ümumi sahəsi 100 kvadratmetri əhatə edib.
Hadisə nəticəsində xəsarət alan olmayıb. Tikinti ərazisində olan 7 köşk yanaraq, yararsız hala düşüb. Həmin köşklər fəhlələrin əyinlərini dəyişməsi üçün olub.
Qeyd edək ki, DÇ-2018-in qrup mərhələsinin 4, eləcə də, 1/8 və 1/4 final mərhələlərinin oyunlarının keçiriləcəyi stadion bu ilin sonuna qədər hazır olmalıdır.
Milli.Az