ABŞ-ın Qrinsberq şəhəri yaxınlığında (Luiziana ştatı) ağır yol qəzası baş verib.
Publika.az "RİA Novosti"yə istinadən xəbər verir ki, minik avtomobili ilə toqquşan məktəbli avtobusu aşıb.
Qəza nəticəsində 11 şagird xəsarət alıb. Avtobusda 40-a yaxın məktəbli olub. Xəsarət alanlar xəstəxanaya çatdırılıb. Onların həyatlarına təhlükə olmadığı bildirilir. Qəzanın səbəbləri barədə məlumat verilmir.