ABŞ prezidenti Donald Tramp prezidentliyi dövründə ilk dəfə “Tvitter”-də səhər qeydlərini etməyib.
APA-nın məlumatına görə, bu barədə CNN telekanalı xəbər verib.
Trampın “Tvitter” hesabındakı səhər qeydləri ABŞ siyasətində yeni ənənə kimi qiymətləndirilsə də, fevralın 13-də ABŞ prezidenti ilk qeydini yerli vaxtla saat 10:53-də edib. O, Kanadanın baş naziri Castin Trüdo ilə görüşündən yazıb.
Ağ Ev adıçəkilən ənənənin prezidentin Amerika xalqına yaxın olması ilə izah edib. Buna baxmayaraq, Trampın qeydləri dəfələrlə tənqid atəşinə tutulub.
