"Manchester United"in keçmiş futbolçusu Rio Ferdinand klubun turnir cədvəlində tutduğu hazırki yeri qanunauyğun sayıb. Milli.Az goal.az-a istinadən xəbər verir ki, "BT Sport" kanalının eksperti çalışan Ferdinand bunları deyib:
"Tutduğu mövqe çıxışına uyğundur. Hər şey çox sadədir. Turnir cədvəli heç vaxt yalan demir. O, liqada hansı yerdə olmağı göstərən indikatordur. Bunun kökündə stabillik, birgə hərəkət və lazımi vaxtlarda qazanılan qələbələr durur. "United" bunları hələlik göstərməyib. Fikrimcə, "Chelsea"nin birinci yerdə getməsi təsadüfi deyil. Onlar Premyer Liqanın ən yaxşı komandasıdır".
Milli.Az
