Çinin cənub-şərqində Hunan əyalətində kömür mədənində partlayış baş verib.
APA-nın RİA Novosti agentliyinə istinadən verdiyi xəbərə görə, insident Loudi şəhəri yaxınlığında yerləşən mədəndə qeydə alınıb.
Hadisə nəticəsində dağıntılar altında 11 şaxtaçı qalıb, onların taleyi naməlumdur.
Partlayış zamanı mədəndə 29 şaxtaçı olub. Hadisə yerinə xilasedicilər və təcili tibbi yardım briqadaları cəlb edilib. Partlayışın səbəbləri müəyyənləşdirilir.
