Bakı. 14 fevral. REPORT.AZ/ "Almaniya Azərbaycanı özünün yaxşı, etibarlı və vacib tərəfdaşı kimi qiymətləndirir".
"Report" xəbər verir ki, bunu "Vestnik Kavkaza"ya açıqlamasında Sosial-Demokrat Partiyasından olan almaniyalı deputat, Almaniyanın ATƏT-dəki parlament nümayəndə heyətinin rəhbəri Doris Barnett deyib.
D.Barnett Dağlıq Qarabağ münaqişəsinin həll edilməsi üçün əllərindən gələni etdiklərini bildirib. Onun sözlərinə görə,
ATƏT-ə sədrliyi dövründə Almaniya Dağlıq Qarabağ münaqişəsi tərəflərinin mövqelərini yaxınlaşdırmaq üçün ciddi səyləri göstərib, o cümlədən Almaniya Xarici İşlər Nazirliyinin vasitəçiliyi ilə Azərbaycan və Ermənistandan olan deputatlar arasında görüş təşkil edib.
Parlamentari münaqişənin yalnız sülh yoluyla həllinin vacibliyini qeyd edib.