AFFA İntizam Komitəsinin növbəti iclası keçrilib. Fanat.Az xəbər verir ki, komitə üzvləri Premyer Liqanın və əvəzedicilərin çempionatının XVIII turunda qeydə alınan qayda pozuntularına hüquqi qiymət verib.
"Zirə" ilə oyunun 74-cü dəqiqəsində ikinci sarı vərəqəni alaraq meydandan kənarlaşdırılan "Qəbələ"nin futbolçusu Rasim Ramaldanov bir oyunluq cəzalandırılıb, klub 200 manat cərimə olunub. "Zirə" 4 futbolçusu sarı vərəqə aldığından 800 manat cərimələnib.
"Neftçi" də eyni məbləğdə cərəmə ödəyəcək. "Ağ-qaralar"ın 4 futbolçusu "Sumqayıt"la oyunda hakimjən xəbərdarlıq alıb. "Neftçi"nin əvəzedici komandası isə eyni səbəbdən 400 manat cərimlənib.
Fanat.Az