Azərbaycan liderlər sırasında - 17 illik rekor yeniləndi

Azərbaycan liderlər sırasında - 17 illik rekor yeniləndi
15:44 14 Fevral 2017
163 Digər
Ölkə mətbuatı
A- A+

2016-cı ildə Türkiyə iqtisadiyyatına xarici investorlar tərəfindən 6,724 mlrd. dollarlıq investisiya yatırılıb. "APA-Economics" "Anadolu" agentliyinə istinadən xəbər verir ki, yatırımların 30%-i ilin sonunda gerçəkləşib.

 

Ötən ilin dekabrında Türkiyə iqtisadiyyatına 1,991 mlrd. dollarlıq investisiya qoyulub ki, bu da 17 illik rekord hesab olunur. Ötən ilin son ayında yatırılan investisiyanın həcmi noyabr ayı ilə müqayisədə 4,5 dəfə, 2015-ci ilin dekabr ayı ilə müqayisədə isə 37,4% çoxdur.

 

Qeyd edək ki, 2015-ci ildə Türkiyə iqtisadiyyatına 12,1 mlrd. dollarlıq investisiya yatırılıb.

 

Ötən il Türkiyəyə ən çox investisiya yatıran Avropa ölkələri olub. "Köhnə qitə"nin ölkələri toplamda Türkiyəyə  4,265 mlrd. dollarlıq investisiya edib. Müqayisə üçün qeyd edək ki, 2015-ci ildə Avropa ölkələri Türkiyəyə 7,98 mlrd. dollarlıq investisiya yatırıb.

 

Avropa ölkələri arasında 2016-cı il ərzində Türkiyəyə ən çox Böyük Britaniya investisiya qoyub. Hesabat dövründə Böyük Britaniyanın qardaş ölkəyə yatırdığı investisiyanın həcmi 961 mln. dollar həcmində olub. Böyük Britaniyanı 956 mln. dollarlıq göstərici ilə Hollandiya izləyib. Üçüncü yerdə 430 mln. dollarlıq investisiya ilə Almaniya qərarlaşıb. Dördüncü yeri Türkiyə iqtisadiyyatına 409 mln. dollarlıq investisiya qoyan İspaniya tutub.

 

Hesabat dövründə Asiya ölkələri Türkiyəyə 2 mlrd. dollarlıq investisiya yatırıb. Asiya ölkələri arasında Azərbaycan mütləq liderdir. Asiya ölkələri arasında Türkiyəyə ən çox Azərbaycan investisiya yatırıb. Ötən il ərzində Azərbaycan qonşu ölkəyə 652 mln. dollar həcmində investisiya qoyub. Azərbaycanı 375 mln. dollarlıq yatırımla Qətər təqib edib.

 

2016-cı ilin dekabrın Böyük Britaniya Türkiyə iqtisadiyyatına 444 mln. dollar, Hollandiya 394 mln. dollar, Çin 300 mln. dollar, Qətər 285 mln. dollar, Azərbaycan isə 175 mln. dollar yatırıb.


Xəbərin orijinal ünvanı: http://news.lent.az/news/267601

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR