Təəccüblüdür ki, 2008-ci il martın 1-də baş vermiş hadisələri ilə bağlı danışanlar həmin vaxt fəal rol oynayanlardır.
Milli.Az istipress-ə istinadən xəbər verir ki, bunu jurnalistlərə "İşıqlı Ermənistan" partiyasının lideri, "Çıxış" blokunun seçkiqabağı siyahısına rəhbərlik edən Edmon Marukyan deyib.
O xatırladıb ki, keçmiş müdafiə naziri Seyran Ohanyan mart hadisələri zamanı Ermənistan silahlı qüvvələrinin baş qərargah rəisi idi.
"İndi bu adam deyir ki, biz gəlib 1 mart hadisələrinin günahkarlarını tapacağıq. Bir müddət sonra o, siyasi məhbuslara azadlıq tələb edə bilər. Əgər siyasətə belə yanaşmağa icazə varsa, deməli, hər şeyə icazə var", - Edmon Marukyan bildirib.
2008-ci il martın 1-də Ermənistanda xalq hökumətə etiraz aksiyası keçirib. Dinc nümayişçilər zamanı etirazçılar silahlı şəxslər tərəfindən güllələnib.
Milli.Az
Digər maraqlı xəbərlər Milli.Az-ın Facebook səhifəsində
