“Mançester Siti”nin hücumçusu Serxio Aquero 2006-cı ildə “Liverpul”un oyunçusu olmağı arzuladığını deyib. Fanat.Az xəbər verir ki, argentinalı “qırmızılar”a azarkeşlik etdiyini söyləməklə “şəhərlilər”in fanatlarını özündən çıxarıb:
“O vaxt İngiltərəyə gəlmək imkanım olsaydı, məhz “Liverpul”da oynayardım. Bu komandaya çoxdan azarkeşlik edirəm”.
Qeyd edək ki, Aquero Madrid “Atletiko”suna 2006-cı ildə “İndependyente”dən gəlmişdi. 5 il İspaniyada oynadıqdan sonra “Mançester Siti”yə üz tutan 28 yaşlı forvardın yayda klubunu dəyişəcəyiylə bağlı söz-söhbət səngimir. İngiltərə mətbuatı dəfələrlə hücumçunun baş məşqçi Xosep Qvardiolayla münasibətlərinin qaydasında olmadığı haqda yazıb.
Fanat.Az
