“AZAL-a vurduğum qolu çox şişirtmək lazım deyil. Səmimi deyirəm, insanda təkəbbür yaranır. Qoldu də, bəzən gözəl alınır”. Bu sözləri Fanat.Az-a açıqlamasında Premyer Liqanın son turunda “təyyarəçilər”in qapısına vurduğu baxımlı qolla gündəmə gələn Nizami Hacıyev deyib.
Robert Prosineçkinin yığmaya dəvət etmədiyi futbolçu daha sonra əlavə edib: “Mən milliyə kömək edə biləcəyimə əmin olduğum üçün o formanı geyinməyi arzulayıram. Yəni yığmaya düşmək yox, önəmli oyunlarda meydanın hər qarışı uğrunda mübarizə aparmaq, milli üçün qollar vurmaq istəyirəm. Elə qollar vura bilərəmmi? Əlbəttə, vuraram. Buna inanıram”.
Fanat.Az
