Bakı. 15 fevral. REPORT.AZ/ Nəqliyyat, Rabitə və Yüksək Texnologiyalar Nazirliyi tabeliyindəki “Aztelekom” MMC-nin tələbatına əsasən informasiya texnologiyaları infrastrukturunun qurulması işlərinin və xidmətlərinin satın alınması üzrə açıq tender elan edib.
“Report” xəbər verir ki, bu barədə rəsmi mətbuatda məlumat verilib.
Məlumata görə, tender 2 lot üzrə keçirilir. 1-ci lot hesablama avadanlığı və proqram təminatlarının satın alınması ilə bağlıdır ki, burada iştirak haqqı 1 500 manatdır. 2-ci lot isə server otağı üçün avadanlığın satın alınmasını nəzərdə tutur ki, burada da iştirak haqqı 500 manatdır.
İddiaçıların ilkin sənədləri martınm 7-nə qədər, tender təklifi və onun dəyərinin 2%-i qədər bank təminatını isə martın 16-na qədər “Aztelekom”un inzibati binasının yerləşdiyi Bakı şəhəri, Yasamal rayonu, Tbilisi prospekti, 187 ünvanına təqdim etməlidirlər.
Təkliflərə martın 17-da, saat 11:00-da qeyd olunan ünvanda baxılacaq.
