Azərbaycan vətəndaşının daxili orqanından narkotik vasitə çıxıb

Azərbaycan vətəndaşının daxili orqanından narkotik vasitə çıxıb
10:47 15 Fevral 2017
151 Ölkə
Ölkə mətbuatı
A- A+

Bakı. 15 fevral. REPORT.AZ/ Dövlət Gpmrük Komitəsi (DGK) Biləsuvar Gömrük İdarəsinin əməkdaşları ölkə ərazisinə qanunsuz yolla güclü təsir edən maddə və narkotik vasitənin gətirilməsinə cəhdin qarşısını alıblar.
Bu barədə “Report”a DGK-dan bildirilib.
Məlumata görə, idarənin "Qoşa Təpə" gömrük postunda İrandan Azərbaycana piyada gələn ölkə vətəndaşı saxlanılıb və üzərində şəxsi yoxlama aparılıb. Öncə, rentgen yük-yoxlama qurğusunda vətəndaşa məxsus idman çantasına baxış zamanı çantanın içərisindəki ərzaq məhsulları və şəxsi əşyaların altında şübhəli predmetlər görünüb. Bundan sonra, təkrar baxış zamanı çantanın içərisində gömrük nəzarətindən gizlədilmiş, hər birində 10 həb olmaqla 40 konvalyut "T-Doll" (tramadol) adlı dərman preparatı aşkar edilib.
Daha sonra, vətəndaşın üzərində şəxsi yoxlama zamanı onun daxili orqanında (düz bağırsağında) bir ədəd bükümdə, xalis çəkisi 20,005 qram olan narkotik vasitə - tiryək aşkar olunub.
Xatırladaq ki, "T-Doll" (tramadol) adlı dərman preparatı "Güclü təsir edən maddələrin Siyahısı"na daxildir və aşkar olunan cəmi 400 ədəd həbdə tramadolun təsiredici maddəsinin ümumi miqdarı 8 qram təşkil edir.
Faktla bağlı araşdırma aparılır.

Xəbərin orijinal ünvanı: https://report.az/hadise/azerbaycan-vetendasinin-daxili-orqanindan-narkotik-vasite-cixib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR