Bakı. 15 fevral. REPORT.AZ/ Özbəkistan prezdenti Şavkat Mirziyoyev bu il aprelin birinci ongünlüyündə Rusiyaya səfər edəcək.
“Report” “RİA Novosti”yə istinadən xəbər verir ki, bunu hazırda Daşkənddə səfərdə olan Rusiya hökumətlərarası nümayəndə heyəti üzvlərindən biri bildirib.
“Özbəkistan prezidenti aprelin birinci ongünlüyündə səfər edəcək. Rəsmi olaraq, təsdiq edilməsə də, bu səfərin təxminən aprelin 5-də reallaşacağı gözlənilir”, - deyə, o, vurğulayıb.
Onun sözlərinə görə, Rusiya-Özbəkistan hökumətlərarası komissiyasının fevralın 15-də keçirilən iclasında Şavkat Mirziyoyevin səfərinin gündəliyi müzakirə olunacaq.