Bakı. 15 fevral. REPORT.AZ/ Ermənistanın xarici işlər naziri Edvard Nalbandyan Dağlıq Qarabağ münaqişəsinin nizamlanması üzrə ATƏT-in Minsk qrupunun həmsədrləri ilə görüşəcək.
"Report" Ermənistan KİV-inə istinadən xəbər verir ki, görüş fevralın 16-17-də keçiriləcək Münhen Təhlükəsizlik Konfransı çərçivəsində baş tutacaq.
E.Nalbandyan, həmçinin bir sıra ikitərəfli görüşlər keçirəcək.
Qeyd edək ki, daha əvvəl Azərbaycanın xarici işlər naziri Elmar Məmmədyarov da Münhendə konfrans çərçivəsində vasitəçilərlə görüşmək niyyətində olduğunu bildirib.