Müğənni Nadir Qafarzadə xalq artisti İlhamə Quliyevanın repertuarında sevilən “Səninəm” adlı mahnını oxuyub. Lent.az-a açıqlama verən ifaçı bildirib ki, yeni oxuduğu mahnının sözləri Baba Vəziroğluna, musiqisi Faiq Sücəddinova məxsusdur: “Faiq Sücəddinov bəstəsi olan bir neçə mahnı lentə yazdırmışam, ardı da olacaq. Bu mahnını İlhamə Quliyevanın repertuarına sevmişəm. İlhamə xanımın mahnıları onun sərvətidir. Demək olar ki, onun sərvətini mənimsədim. Düşünürəm ki, buna görə də onun ruhu da şad olacaq. Mahnıları hər zaman yaşayacaq”.
Qeyd edək ki, bəstənin aranjimanı Rübail Əzimova həvalə olunub.
