Bakı. 15 fevral. REPORT.AZ/ BMT-nin azı 32 əməkdaşı 2016-cı ildə xidməti vəzifələrini icra edən zaman öldürülüb.
“Report” “Sinxua” agentliyinə istinadən xəbər verir ki, bu barədə BMT-nin Həmkarlar İttifaqı məlumat yayıb.
Xəbərdə bildirilib ki, öldürülənlərin əksəriyyəti sülhməramlı olub.
Məlumata görə, artıq üçüncü ildir BMT-nin əməkdaşları daha çox Malidə öldürülür. Ötən il bu ölkədə qurmun xidməti vəzifəsini icra edən 23 əməkdaşı öldürülüb.
Son 5 ildə BMT-nin 240-dan çox əməkdaşı qəsd nəticəsində qətlə yetirilib.
Qeyd edək ki, ötən il dünyada öz peşə vəzifəsini yerinə yetirərkən 93 jurnalist öldürülüb.
