Bakı. 15 fevral. REPORT.AZ/ "Xəzər Lənkəran" futbol komandasının sabiq baş məşqçisi Mustafa Denizli Türkiyə "Eskişehirspor"unun sükanı arxasına keçib. "Report"un "Hürriyet"ə istinadən verdiyi məlumata görə, 68 yaşlı mütəxəssis I Liqa təmsilçisinin baş məşqçi postunda Alpay Özalanı əvəzləyib.
Özalan ötən tur evdə "Manisaspor"a 1:5 hesabı ilə uduzduqdan sonra istefaya göndərilib. Hazırda "Eskişehirspor" 35 xalla 4-cü pillədədir.
Qeyd edək ki, ötən mövsüm "Qalatasaray"ı tərk etdikdən sonra işsiz qalan Mustafa Denizli, 2013/2014 mövsümündə "Xəzər Lənkəran"ın baş məşqçisi olub.