Bakı. 15 fevral. REPORT.AZ/ İranın cənub-şərqində, Sistan-Bəlucistan əyalətində “Bəsic” dəstələrinin hərbi təlimi keçirilir.
“Report” İran KİV-inə istinadən xəbər verir ki, bunu İnqilab Keşikçiləri Qvardiyasının “Qüds” qolunun baza komandanı general Məhəmməd Marani bildirib. Onun sözlərinə görə, hərbi tədbirdə kişilərdən ibarət 6, qadınlardan formalaşdırılmış 22 briqada iştirak edir. Əyalətin 19 dairəsində keçirilən təlim bu il fevralın 24-də başa çatacaq.
Qeyd edək ki, “Bəsic” dəstələri İranı İnqilab Keşikçiləri Qvardiyasının əsas kadr bazası sayılır.
