Argentina futbolunun canlı əfsanəsi Dieqo Maradona bundan sonra FİFA-da çalışacaq.
Publika.az xəbər verir ki, bu barədə məlumatı FİFA-nın saytı yayıb. Maradona FİFA-nın təşkil etdiyi layihələrin siması olacaq. 56 yaşlı sabiq hücumçu həmin layihələrə dəstək verərək, həm də, tanıtımını öz üzərinə götürəcək.
Maradona ötən həftə açıqlama verərək, “FİFA-nın daha təmiz və şəffaf siyasət yeritməsi məqsədiylə futbolu sevən insanlarla çalışacam” demişdi.
Karyerası ərzində “Barselona”, “Napoli” kimi klublarda top qovmuş sabiq hücumçu Argentina millisiylə DÇ-1986-nın qalibi olub. DÇ-1994-də isə dopinq qəbul etdiyinə görə turnirdən kənarlaşdırılmışdı.
