Yan Olde Rikerinki istefaya göndərərək xorvatiyalı İqor Tudorla anlaşan “Qalatasaray”da müqavilənin detalları bəlli olub. Apasport.az saytının məlumatına görə, “Karabükspor”un keçmiş çalışdırıcısı ilə 1,5 illik müqavilə bağlandığı açıqlanıb.
Müqaviləyə əsasən, xorvat mütəxəssis cari mövsümün sonuna kimi 400 min, 2017/18 mövsümündə isə 1 milyon avro qazanacaq.
Əlavə olaraq, Tudor “cim-bom” Çempionlar Liqasının birbaşa qrup mərhələsinə vəsiqə qazansa 200 min, təsnifat mərhələsinə qatılacağı halda isə 100 min avro əldə edəcək. Klub Türkiyə kubokunu qazansa, xorvat məşqçi əlavə 50 min avro alacaq.
Tudorun “Karabükspor”dan ayrıldığına görə bu kluba ödəməli olduğu 150 min avro dəyərində təzminat da “Qalatasaray” tərəfindən ödəniləcək.
