Mosulda İŞİD hərbi "polis"inin rəhbəri zərərsizləşdirilib

Mosulda İŞİD hərbi "polis"inin rəhbəri zərərsizləşdirilib
03:37 16 Fevral 2017
141 Dünya
Ölkə mətbuatı
A- A+

Bakı. 16 fevral. REPORT.AZ/ ABŞ-ın rəhbərlik etdiyi anti-terror koalisiyasının hava zərbələri nəticəsində İraqın Mosul şəhərində İŞİD terror qruplaşması hərbi "polis"inin rəhbəri zərərsizləşdirilib.
"Report" "RİA Novosti"yə istinadən xəbər verir ki, bu barədə İraq Kürdüstanı Təhlükəsizlik Şurası məlumat yayıb.
"Bizim anti-terror idarəmiz fevralın 14-də endirilmiş hava zərbələri nəticəsində Mosul hərbi polisinin rəhbəri Haqi İsmael Aued əl-Hadidinin öldürüldüyünü təsdiqləyir" – deyə şuranın məlumatında bildirilir.
Qeyd edək ki, Mosulun şərq hissəsi 2016-cı ilin oktyabrında İraq hərbçiləri və ABŞ-ın rəhbərlik etdiyi koalisiya tərəfindən başlamış hərbi əməliyyatlar zamanı İŞİD terror qruplaşmasından azad edilib. Lakin şəhərin qərb hissəsi hələlik İŞİD silahlılarının əlindədir. 

Xəbərin orijinal ünvanı: https://report.az/diger-olkeler/mosulda-i-si-d-herbi-polis-inin-rehberi-zerersizlesdirilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR