Joze Mourinyonun "Mançester Yunayted"də görmək istədiyi futbolçunun kimliyi müəyyənləşib. Fanat.Az xəbər verir ki, portuqaliyalı mütəxəssis "Torino"dan Andrea Belottinin xidmətində maraqlıdı.
İtaliya mətbuatının məlumatına görə, "Mançester Yunayted"in skautları bir müddətdi 23 yaşlı futbolçunu izləyir və məlumatları Mourinyoya göndərirlər.
Qeyd edək ki, Andrea Belotti 2015-ci ildə "Palermo"dan 8,4 milyon avroya "Torino"ya transfer olunub. Hazırda "Transfermarkt" ona 20 milyon avro qiymət qoyub. İtaliya millisinin hücumçusu cari mövsümdə 24 rəsmi oyuna çıxıb və 19 qol vurub.
Fanat.Az
