Ekspert: "Polisin avtokreslo tələbi qanunsuzdur" - FOTO

Ekspert: "Polisin avtokreslo tələbi qanunsuzdur" - FOTO
14:37 16 Fevral 2017
172 Ölkə
Ölkə mətbuatı
A- A+

Bakı Şəhər Dövlət Yol Polisi İdarəsi 12 yaşadək uşaqların avtomobillərdə daşınması zamanı xüsusi oturacaqlardan istifadə etməyən sürücülərin cərimələnəcəyini açıqlayıb və qeyd olunub ki, qayda maşının ön və arxa oturacaqlarınada şamil olunur.

"Digesta" Hüquq Firmasının rəhbəri, ekspert Ərşad Hüseynov "qafqazinfo"ya açıqlamasında bu yeniliyi şərh edib və qanunsuz olduğunu bildirib: "Yol hərəkəti haqda qanunun 56-cı maddəsinin 9-cu bəndinə görə, yalnız ön oturacaqda 12 yaşadək uşaqlar daşınarkən xüsusi oturacaqdan istifadə edilməlidir. Arxa oturacaqlarda uşaqların daşınması üçün "avtokreslo" tələb olunmur. Buna görə də heç kimi cərimələmək olmaz. Həmçinin, arxa oturacaqda daşınan uşaqlar üçün kəmər taxmaq da məcburi deyil.

Qanunverciliyimizdə olan bir boşluq da budur ki, arxa oturacaqlarda daşına biləcək uşaqların sayı müəyyən olunmayıb. Yəni, istəsəniz arxa oturacağa 10-15 uşaq mindirə bilərsiniz. Sürücünün yanındakı sağ ön hissədə xüsusi oturacaq olmadan 12 yaşadək uşaqların daşınmasına görə İnzibati Xətalar Məcəlləsinin 327-ci maddəsinin 2-ci bəndində 60 manat cərimə və 3 bal cəza nəzərdə tutulub".

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/society/518112.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR