Xuraman Şuşalı 16 fevral tarixinin həyatında çox böyük əhəmiyyət kəsb etdiyini etiraf edib.
Publika.az xəbər verir ki, ifaçı sosial şəbəkədə dindar olması ilə bağlı səmimi açıqlamalar verib.
“Bu gün mənim həyatımda ən önəmli, unudulmaZ bir gündür.
16.02.2013-cü il tarixində sübh namazında tövbə edib, hicaba
keçdim. Bu böyük addımı atdığım üçün elə ağlayırdım ki... Çünki
özümü tanıyandan hicaba keçmək istəmişəm. Ancaq şeytan nəfsimə güc
gəlməyə imkan vermirdi. Şükür, Allahım mənə güc verdi. Ömrümün
günah içində keçməyinə, nəfsimin qulu olmağıma imkan vermədin.
Düzdür, hicabım kamil deyil, ancaq sən rəhmlisən, zalım deyilsən.
Hicabla ruhuma rahatlıq verdin. Günah məni qocaltmışdı, ruhum
qocalmışdı. 2005-ci ildən namaz qılıram, amma hicabla namazımı daha
mükəmməl etdim. Şükür Allahım, nəfsimi mənə qul etdin. Təşəkkürlər,
ya Rəbbim. Tövbə qapısını biz bəndələriniz üçün açıq qoymusan.
Rahatlıq və gözəllik səndədir. Yenə də məni hidayət elə. Allahım,
hər iki dünyamı gözəl et. Verdiklərini alma, rəhminlə nəzarət et,
bizi öz başımıza buraxma”. 
