Bakı. 16 fevral. REPORT.AZ/ Səhiyyə naziri Oqtay Şirəliyev fevralın 17-də saat 11:00-da Ucar Mərkəzi Rayon Xəstəxanasında vətəndaşlar ilə görüşəcək.
Səhiyyə Nazirliyinin mətbuat xidmətindən “Report”a verilən məlumata görə, nazir Ucar, Ağdaş, Ağsu, Kürdəmir rayon sakinlərini qəbul edəcək və səhiyyə sahəsinə dair vətəndaşları maraqlandıran sualları cavablandıracaq.
Görüşdə sakinlərin müraciətləri, şikayət, təklif və fikirləri nazir tərəfindən dinləniləcək və lazımi tədbirlər görüləcək.
Görüşə yazılmaq istəyən vətəndaşlar Ucar Mərkəzi Rayon Xəstəxanasında qeydiyyatdan keçə bilərlər.
