Bakı. 16 fevral. REPORT.AZ/ İranda keçirilən sərbəst güləş üzrə Dünya Kubokunda Azərbaycan bayrağına hörmətsilik edilib.
Azərbaycan Güləş Federasiyasının (AGF) mətbuat xidmətindən "Report"a verilən məlumata görə, yarış təşkilatçılarının fikrincə, sanki bayraq bu cür olmalı imiş: "Güləşçilərimizi Rusiya ilə görüşə də bu formada çıxarıblar. Lakin AGF rəsmiləri və baş məşqçi Firdovsi Umudovun etirazından sonra təşkilatçılar bu səhvi düzəldəcəklərinə və bayrağı dəyişəcəklərinə söz veriblər. Əlavə problem olmaması üçün hoteldən Azərbaycanın milli bayrağı gətirilib".
