Bakı. 17 fevral. REPORT.AZ/ "İndiyədək Əsir və itkin düşmüş, girov götürülmüş vətəndaşlarla əlaqədar Dövlət Komissiyasında 3 868 itkin düşmüş, 1 437 nəfər isə əsir və girovluqdan azad olmuş şəxs qeydiyyata alınıb".
"Report" xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının əməkdaşı Nailə Dadaşova Dövlət Komissiyasının Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) resurslarından biri olan "1905.az" portalının birgə təşkil etdiyi "Diskussiya klubu"nda "Qaradağlıdan Xocalıya" mövzusunun müzakirəsi zamanı deyib.
Onun sözlərinə görə, itkin düşmüş şəxslərin 3 123 nəfəri hərbçi, 745 nəfəri mülki şəxslərdir: "Mülki şəxslərin 62 nəfərini uşaqlar, 262 nəfərini qadınlar, 302 nəfərini qocalar təşkil edir. Əsir və girov götürülməsi barədə məlumat daxil olmuş 873 şəxsin isə 591 nəfəri hərbçilər, 282 nəfəri mülki vətəndaşlardır. Mülki vətəndaşların 29 nəfəri uşaq, 99 nəfəri qadın, 112 nəfəri qocalardır".
N.Dadaşova bildirib ki, ötən dövr ərzində 1 437 nəfər əsir və girovluqdan azad olunub: "Onlardan 351-i hərbçilər, 1086 nəfəri isə mülki vətəndaşlardır.