Azərbaycanlı model Rüstəm Cəbrayılov özünü başqa sahədə sınamaq qərarına gəlib.
Publika.az xəbər verir ki, "Best model of the World model" titulunun sahibi filmdə çəkilməyə qərar verib. Azərbaycanın ən yaraşıqlı kişisi kimi şöhrət qazanan model bildirib ki, ona dəfələrlə film təklifləri gəlsə də, hər dəfə rədd edib. Onun sözlərinə görə, "Don Marleone" filminin ssenarisi və çəkiliş heyəti ürəyincə olduğu üçün çəkilməyə razılıq verib:
“Modellikdə azdan-çoxdan uğurlarım oldu. Hər zaman ətrafımda olan insanlar mənə deyirdi ki, səni aktyor kimi də görmək istəyirik. Bu günə kimi mənə təklif olunan filmlərdə özümü görmürdüm, uğurlu olacağına inanmadığım üçün bu təklifləri qəbul etmirdim. Avropa, Amerika görmüş bir insanın mənasız bir filmə çəkilib uğurlarını heçə endirməsi günah olardı. Amma indi elə bir filmə çəkilirəm ki, onun möhtəşəm bir film olacağına şübhəm belə yoxdur. Büdcəmiz çox olmasa da uğura imza atacağımıza əminəm”.
Aytən 
