Bakı. 17 fevral. REPORT.AZ/ Türkiyənin Sakarya əyalətinin Karasu rayonunda Ermənistanın 56 yaşlı vətəndaşı saxlanılıb.
“Report” Türkiyə KİV-inə istinadən xəbər verir ki, o, alkoqollu içki və siqaret qaçaqmalçılığında ittiham olunur.
Məlumata görə, onun yaşadığı mənzildən 155 butılka araq və 30 yeşik aksiz markasız siqaret, eləcə də 5 litr spirt, çoxlu sayda müxtəlif aksiz markaları aşkarlanıb.
