"Barselona" kolumbiyalı müdafiəçi transfer edib. Fanat.Az xəbər verir ki, Kataloniya klubu Braziliyanın "Palmeyras" klubundan Yerri Mina ilə anlaşıb.
22 yaşlı stoper "Barselona"da debüt etmək üçün gələn ili gözləməli olacaq. Belə ki, o, 2018-ci ilin yanvar ayından La Liqa klubunun formasını geyinəcək.
Yerri Minanın xidmətində "Mançester Siti" də maraqlı olub. Lakin kolumbiyalı futbolçu La Liqada oynamaq qərarına gəlib.
Qeyd edək ki, "Palmeyras" Yerri Minanı ötən ilin mayında Kolumbiyanın "Santa Fe" klubundan 3,2 milyon avroya transfer edib. "Transfermarkt"ın 750 min avro qiymət qoyduğu 22 yaşlı müdafiəçi Braziliya klubunun heyətində 15 oyun keçirib və 4 qol vurub.
Fanat.Az