Bakı. 17 fevral. REPORT.AZ/ İranın “Saderat” Bankı İran-Ermənistan III elektrik xəttinin tikintisinə 83 milyon avro məbləğində maliyyə vəsaiti ayırıb.
“Report” Ermənistan KİV-inə istinadən xəbər verir ki, bu layihənin ümumi dəyəri 107 milyon avrodur.
Məlumata görə, onun böyük hissəsini İranın “Saderat” Bankı verəcək.
Xəbərdə bildirilib ki, İran-Ermənistan III elektrik xəttinin tikintisinin 24 ay ərzində başa çatdırılması planlaşdırılıb.
