İranın Kirmanşah şəhərində Dünya Kuboku uğrunda mübarizəyə qatılan sərbəst güləş üzrə Azərbaycan yığması çıxışını başa vurub. Fanat.Az xəbər verir ki, ABŞ-a uduzan millimiz finala vəsiqə qazana bilməyib və 3-cü yer uğrunda görüşdə Türkiyəylə qarşılaşıb.
Amerika təmsilçisiylə 8 çəki dərəcəsində 4:4 hesablı heç-heçə edən pəhləvanlarımız
ümumi xal hesabına görə finala həsrət qalıb – 14:20. Qardaş ölkənin yığmasıyla
mübarizə isə dramatik alınmayıb. Firdovsi Umudovun yetirmələri 7:1 hesablı qələbəyə
sevinərək 3-cü yeri tutub.
Finalda meydan sahibi İran ABŞ-la münasibətlərinə aydınlıq gətirəcək.
Qeyd edək ki, Azərbaycan indiyədək iki dəfə bu yarışın qalibi olub.
Fanat.Az