Zaur Qəhrəmanov: "Türkiyədəki layihələrə 11 mlrd. dollar xərclənib"

Zaur Qəhrəmanov: "Türkiyədəki layihələrə 11 mlrd. dollar xərclənib"
11:12 18 Fevral 2017
Ölkə mətbuatı
A- A+

Bakı. 18 fevral.REPORT.AZ/  2016-cı ildə "Petlim" konteyner limanı, "Petkim" neft-kimya kompleksi, STAR Neft Emalı Zavodu, Petkim Külək Elektrik Stansiyası və TANAP layihlərinə xərclənən vəsait ümumilikdə 11 mlrd. dollara çatıb.


“Report” bunu “SOCAR Turkey Energy” şirkətinin baş direktoru Zaur Qəhrəmanov “Energy Business” jurnalına müsahibəsində bildirib.
“Layihələrimiz tamamlandıqda ümumi investisiya həcmi təxminən 18 mlrd. dollar olacaq. “Petkim” neft-kimya kompleksinin özəlləşdirilməsi 2 mlrd. 40 mln. dollar, satın alındıqdan sonra kompleksə yatırılan investisiya 600 mln. dollardır. TANAP-ın dəyəri 8,5 mlrd. dolar, STAR zavodunun 5,7 mlrd. dollar, “Petlim” konteyner limanının ümumi investisiya dəyəri isə 400 mln. dollar təşkil edir".
O qeyd edib ki, 2016-cı il “SOCAR Turkey” üçün çox uğurlu il olub. Onun sözlərinə görə, TANAP layihəsində böyük məsafə qət edilərək layihənin 60%-i tamamlanıb:” Bununla yanaşı, “Petlim” konteyner limanının I fazası tamamlanıb, əməliyyatlara başlanıb. Limanın II fazası üzrə işlər davam edir. Bu il II faza üzrə işlər tamamlanacaq"
Z.Qəhrəmanov ötən ilin dekabr ayı göstəricisinə görə, STAR Neft Emalı Zavodunun 82%-nin tamamlandığını qeyd edib. O həmçinin bildirib ki, "Petkim" Külək Elektrik Stansiyası layihəsi üzrə də böyük həmcdə işlər görülüb. “SOCAR Turkey” rəhbərinin sözlərinə görə, Külək Elektrik Stansiyasının bu il fəaliyyətə başlaması hədəflənir.

Xəbərin orijinal ünvanı: https://report.az/energetika/zaur-qehremanov-turkiyedeki-layihelere-11-mlrd-dollar-xerclenib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR