Rusiya polisi azərbaycanlı Qasımova Leyla Təvəkkül qızını axtarışa verib.
Lent.az-ın yerli KİV-ə istinadən məlumatına görə, 1981-ci il təvəllüdlü Qasımova dələduzluqda ittiham olunur.
Vladimir vilayətinin Vəznikov şəhərində mənzilləri gəzən Leyla sakinlərə özünü bal satıcısı kimi təqdim edirmiş. Balı satdıqdan sonra isə geri qayıdıb 5 minlik küpürü xırdalamağı xahiş edirmiş. Həmin küpürlər isə saxta imiş. O, bu üsulla onlarla sakini aldada bilib.
Vəznikov şəhər polisi Qasımova barəsində axtarış elan edib. İlkin məlumatlara görə, o, vilayətdəki qaraçı taborlarının birində gizlənir. Başqa bir məlumata görə isə artıq həmin taborların biri ilə vilayəti tərk edib.
