Salyan. 18 fevral. REPORT.AZ / Salyan rayonunda üç yaşlı qız yanıb.
“Report”un Aran bürosu xəbər verir ki, hadisə şəhərin Əlövsət Quliyev küçəsi bina 2, mənzil 1-də qeydə alınıb.
Belə ki, həmin ünvanda yaşayan 2014-cü il təvəllüdlü Fatimə Nahid qızı Nəsirova süd qazanına düşüb. Nəticədə üz nahiyyəsindən yanıq xəsarətləri alan uşaq Salyan Mərkəzi Rayon Xəstəxanasına çatdırılıb.
Xəstəxanada ilk tibbi yardım aldıqdan sonra ambulator müalicəyə göndərilib.