Xarici işlər naziri Elmar Məmmədyarov 53-cü Münxen Təhlükəsizlik Konfransı çərçivəsində Avstriyanın xarici işlər naziri Sebastian Kurts və ATƏT-in baş katibi Lamberto Zannier ilə görüşüb.
XİN-dən Trend-ə verilən məlumata görə, görüş əsnasında nazirlər bu il Azərbaycan və Avstriya arasında diplomatik əlaqələrin qurulmasının 25 illiyinin qeyd olunduğunu diqqətə çatdırıblar.
Tərəflər ATƏT-ın gündəliyində duran məsələlər və fəaliyyətdə olan sədr kimi Avstriyanın prioritetləri barəsində fikir mübadiləsi aparıblar.
Görüşdə ATƏT-in İrəvan ofisi ilə əlaqədar olan məsələlər müzakirə olunub. Nazir E.Məmmədyarov ATƏT-in İrəvan ofisinin mandatına zidd fəaliyyəti barəsində Azərbaycanın narahatlığı və mövqeyini bir daha həmsöhbətlərin nəzərinə çatdırıb.
Milli.Az
Digər maraqlı xəbərlər Milli.Az-ın Facebook səhifəsində