Bakı. 18 fevral. REPORT.AZ/ Belçikada qatarın relsdən çıxması nəticəsində 20 nəfər xəsarət alıb.
"Report"un məlumatına görə, bu barədə "RİA Novosti" xəbər verib.
Məlumatda bildirilir ki, insident yerli vaxtla saat 13:34-də, ölkənin mərkəzi hissəsində baş verib. Agentliyin məlumatında bildirilir ki, xəsarət alanların vəziyyəti hələlik məlum deyil.
"Reuters" agentliyi isə qəza zamanı 1 nəfərin ölməsi barədə xəbər verib. Agentliyin məlumatına görə, hadisə zamanı xəsarət almış 2 nəfərin vəziyyəti ağırdır.
Qəza ilə əlaqədar dəmiryolunda müxtəlif istiqamətlər üzrə hərəkət dayandırılıb. Hadisənin başvermə səbəbi hələlik məlum deyil.