Bakı. 18 fevral. REPORT.AZ/ Azərbaycan Premyer Liqasının XIX turu çərçivəsində keçirilən “İnter” - “Zirə” matçından sonra qalmaqal yaşanıb.
"Report"un məlumatına görə, matç başa çatandan sonra qonaq komandanın ehtiyat qapıçısı Kamal Bayramovla meydan sahiblərinin mühafizəçiləri arasında mübahisə düşüb.
Bu zaman “İnter”in mühafizəçiləri hadisənin təfərrüatını öyrənmək istəyən jurnalistlərə qarşı da təzyiq göstəriblər.
Qeyd edək ki, “İnter” – “Zirə” görüşü 1:1 hesabı ilə başa çatıb.
