Azərbaycan gimnastları Svetlana Makştarova və Veronika Zemlyanaya Bakıda keçirilən batut gimnastikası və tamblinq üzrə FIG Dünya Kubokunun gümüş medalına sahib olublar.
Milli.Az-ın Trend-ə istinadən məlumatına görə, onlar batut gimnastika üzrə sinxron proqramda 46.350 balla ikinci yeri tutublar.
Qızıl medala belaruslu cütlük Anna Qorçenok və Tatyana Petrenya (49.400 bal), bürünc medala isə Portuqaliya təmsilçiləri Beatris Martins və Silviya Sayote (45.050) yiyələniblər.
Qeyd edək ki, bu gün Bakıda Milli Gimnastika Arenasında batut gimnastikası və tamblinq üzrə FIG Dünya Kubokunun finalları keçirilir. Dünya Kubokunda 15 ölkədən 85 gimnast iştirak edir.
Milli.Az