"Sumqayıt”ın baş məşqçisi Samir Abasov Topaz Premyer Liqanın 19-cu turunda AZAL-a evdə 1:0 hesabı ilə qalib gəldikləri oyundan sonra mətbuat konfransı keçirib.
Fanat.Az sportnet.az-a istinadən xəbər verir ki, mütəxəssis ilk olaraq qarşılaşma haqda fikirlərini bölüşüb.
- Çətin oyun oldu. "Sumqayıt”ın adına oynadıq. Amma komandanın oyunundan razı deyiləm. Futbolçularımda uduzmamaq hissi olsa da, həyəcanlı idilər. Oyundan sonra futbolulara etirazımı bildirdim. AZAL-la oyunda xal itirsəydik, digər rəqiblərimiz bizə çatacaqdılar. Yenə deyirəm, oyundan razı qalmadım.
- İlk hissənin sonunda baş hakim Rəhim Həsənova etiraz edirdiniz. Bu, nə ilə bağlı idi?
- Rəhimə öz etirazımı bildirdim. İlk hissədə olan qayda pozuntusunun səbəbini öyrəndim. Rəhim də dedi ki, "etirazını oyundan sonra bildir” və məni "texniki zona"dan uzaqlaşdırdı.
- "Sumqayıt”da yarımmüdafiə xətti yoxdu. Düşünmürsünüz ki, Xəyal Nəcəfovun əvəzedici komandaya göndərilmək vaxtı çatıb?
- Bəli, razıyam ki, yarımmüdafiə xəttimizdə boşluq var. Xəyaldan soruşun, sizə eyni şeyi deyəcək. Artıq onun əvəzedici komandaya göndərilmək vaxtı çatıb.
Fanat.Az
