Cəbəllütariqdə dünyanın ən böyük yaxtası həbs edilib.
Publika.az xəbər verir ki, rusiyalı oliqarx Andrey Melniçenkoya məxsus olan “gəmi”nin tutulma səbəbi borcla bağlıdır. Almaniya gəmiqayırma zavodunun iddiasına görə fevralın 5-də Almaniyadan İspaniya istiqamətinə yola düşən yelkənli yaxtanı icarəyə götürən “Valla Yachts Limited” müqaviləni pozub. Söhbət 9.8 milyon avronun vaxtında lazım olan ünvana çatmamasından gedir.
Qeyd edək ki, uzunluğu 142 metr, hündürlüyü 90 metr olan 8 mərtəbəli yaxta 54 nəfərlik heyət üçün nəzərdə tutulub.
Dünyanın ən böyük yaxtasının qiyməti 450 milyon dollar civarındadır.
Pərviz 
