Kolumbiyanın paytaxtı Boqota şəhərində partlayış baş verib.
Publika.az "RİA Novosti"yə istinadən xəbər verir ki, hadisə nəticəsində 1 nəfər ölüb, 31 nəfər xəsarət alıb. Ölən şəxsin və xəsarət alanlardan 20-nin polis əməkdaşı olduğu bildirilir.
Partlayış nəticəsində bir neçə yaşayış evi və tikililərə ziyan dəyib. Partlayıcı qurğu şəhərin mərkəzində polis korteji keçərkən işə salınıb. Faktla bağlı araşdırma aparılır.
