"Barselona"da baş məşqçi məsələsinə aydınlıq gəlib.
Milli.Az apasport.az-a istinadən xəbər verir ki, Kataloniya klubu Luis Enrike ilə yollarını ayırmağa hazırlaşmır.
Bunu klub prezidenti Jozep Bartomeu jurnalistlərə açıqlamasında deyib. Prezident hətta hazırkı çalışdırıcı ilə yeni müqavilə imzalayacaqlarını da vurğulayıb: "Biz Luis Enrike ilə apreldə danışıqlara başlayacağıq. Klubun hədəfi onunla yeni müqavilə imzalamaqdı. Bizim B planımız yoxdu".
Bartomeu komandanın vitse-kapitanı Lionel Messi məsələsinə də toxunub. O bildirib ki, argentinalı da komandada qalacaq: "Azarkeşlər arxayın ola bilərlər. Leo burada qalmaq istəyir və heç yerə də getməyəcək. Danışıqlar müsbət məcrada gedir".
Milli.Az
Digər maraqlı xəbərlər Milli.Az-ın Facebook səhifəsində