"Kəpəz" 2017-ci ildə ilk xalını qazanıb.
2017-ci ilin "siftə"si Gəncə təmsilçisi Azərbaycan Premyer Liqasındakı məğlubiyyət seriyasına XIX turda son qoyub.
"Neftçi" ilə səfər oyununda qolsuz heç-heçəyə sevinən qərblilər bunadək ardıcıl 5 dəfə məğlub olmuşdu. Gəncə təmsilçisi sonuncu dəfə 83 gün öncə xal əldə etmişdi.
Maraqlıdı ki, "Kəpəz" oktyabrın 27-də də "Neftçi"dən xal almağı bacarmışdı. Gəncədəki görüşdə meydan sahibləri 2:0 hesabı ilə qalib gəlmişdi.
Bundan sonra "Kəpəz" ötən il "Qəbələ"yə 1:2, 2017-ci ildə isə "İnter"ə 1:4, "Zirə"yə 0:1, "Sumqayıt"a 1:3, "Qarabağ"a 0:1 hesabı ilə yenilmişdi.
Milli.Az
Digər maraqlı xəbərlər Milli.Az-ın Facebook səhifəsində
