Ermənistanda Gümrü Şəhər Araşdırmaları Mərkəzinin
rəhbəri Aşot Mirzoyan Türkiyənin İğdır bölgəsində azərbaycanlılarla
görüşündən danışıb.
Publika.az xəbər verir ki, Türkiyə mediasına açıqlama
verən Mirzoyan Ermənistanda ona yalan dediklərini bildirib:
“Ermənistanda bildirirlər ki, Türkiyə ermənilər üçün təhlükəli
yerdir. Lakin biz Türkiyədə erməni olduğumuzu deyərək, hər yerdə
rahat şəkildə gəzirik. Bizə Türkiyənin bir çox yerindən keçərkən
dayanmamaq tövsiyə edilmişdi. Xüsusilə İğdıra diqqət etməyimizi,
orada yaşayan çoxsaylı azərbaycanlılardan ehtiyatlı olmağımızı
bildirmişdilər. Lakin biz İğdıra getdik, Azərbaycan muzeyində olduq
və bizi çox yaxşı qarşıladılar. Ermənistana qayıdandan bütün
gördüklərimi danışdım və yalan danışdıqlarını açıq şəkildə
bildirdim”.
Mirzoyan qeyd edib ki, Ermənistanda hakimiyyət əhalini qorxu
ətrafında səfərbər etməyə çalışır: “Cəmiyyətə “iqtidardan xoşunuz
gəlməsə də, milli birlik üçün dəstək verin, yoxsa hamımız məhv
olarıq” fikri aşılanır”.
Asif
