Bakı. 20 fevral. REPORT.AZ/ Los Anceles dünyanın ən sıx tıxacı olan şəhəri adına sahib çıxıb.
"Report" xəbər verir ki, bunu "Inrix" şirkətinin reytinqi göstərir.
Reytinqə əsasən, 2016-cı ildə Los Anceles sürücüləri tıxaclarda 104 saat sərf ediblər.
Reytinqdə ikinci yeri Rusiyanın paytaxtı Moskva (91 saat), üçüncü isə ABŞ-ın Nyu-York şəhəri (89 saat) tutub.
İstanbul ildə 58 saatlıq tıxac göstəricisi ilə sıralamada 17-ci olub.
İlk onluqda həmçinin San Fransisko, Boqota, San Paulu, London, Atlanta, Paris, Mayami yer alıb.